IKEA首部家用縫紉機茜亞(SY)@宜家深圳廣場 - 現貨實物睇真D！

著名瑞典設計傢俱品牌IKEA，一向以多元化優質生活品味及鼓勵DIY個人家居生活路線。早前終於推出了首部全機械式入門級縫紉機，為家用縫紉機產品市場增添多了一個品牌及選擇！

不少香港DIY布藝粉絲聞風後也四出打聽消息，可惜香港門市至今暫時也未有發售。好友報料，得悉鄰近的宜家深圳廣場有售，龍小姐決定抽空北上，直接看實物去！(如何到達宜家深圳廣場，請看連結：http://www.ikea.com/cn/zh/store/shenzhen/store_info )

走進宜家深圳廣場的一樓，實在是一望無際！如到訪紡織品區，你可看到不少布藝用品、布匹及DIY布藝配件，縫紉機的陳列櫃檯亦在這裏了。

縫紉機的型號是茜亞(SY) - 產品貨號802.089.73，是瑞典設計師Henrik Preutz的作品，由中國生產，定價￥599。

備註：宜家俱樂部 (IKEA Family) 會員優惠：曾於1/1/2014-28/2/2014期間內可享用優惠價￥499購買茜亞(SY)一部。
IKEA Family是免費申請的，請看連結：http://www.ikea.com/ms/zh_CN/ikea_family/member_benefits.html
更多深圳IKEA攻略，歡迎閱讀好友The Adventures of uituit的博文 <三大錦囊玩盡深圳 IKEA>。
連結：http://wp.me/pHRyk-ou

外型迷你，體積只有 34.9cm x 15.8cm x 27.1cm(長x闊x高)。白色ABS塑膠外殼配藍黃簡約設計，是明顯的IKEA的招牌顏色。機身亦相當輕巧，約6.2KG，我也可以輕易單手提起整部縫紉機。嬌小的茜亞(SY)適合擺放於小桌子上使用，亦易於收藏，不會霸佔太多收納空間。

茜亞(SY)有13種針法可選之基本縫紉功能，利用機身旋轉制簡易地轉換針法，適合DIY家居布藝用品，如窗簾，抱枕，圍裙等。

底線設計是傳統直置型金屬梭殼，再配合塑膠透明底線芯使用，而機身亦有打底線功能。隨機附上工具10件套，包括配件收納盒、車針、底線芯、線絨圓片、清潔掃子、鑼絲批、拆線刀、面線置杆、拉鏈靴及開纽門靴等。內置燈泡，令縫紉時提供足夠光源。

 

￥599能擁有一台最基本又外型討好的縫紉機，是性價比高的入門縫紉機好選擇之一。雖然龍小姐家中已有專業級的縫紉設備，看後也幻想入手一台茜亞(SY)放在家中裝飾，是很靚仔啊！ 由於此產品香港宜家沒有售賣，縫紉機電源線是國內兩腳插頭制式，另維修保養服務及購買額外配件也必需到國內門市了。有興趣入手的香港用戶要注意啊！

IKEA宜家 茜亞(SY)縫紉機官方網頁：

http://www.ikea.com/cn/zh/catalog/products/80208973/

BlackBerry OS 10.2.1 USB On To Go - Z30 + 一條OTG線+USB手指 = Mobile HHD！

相信不少BlackBerry 10 Smartphone 既朋友都已經齊齊 Upgrade 了 OS10.2.1了！10.2.1 其中一個新功能是USB On To Go，即係平時用黎充電用的 mini USB 插口可以支援更多USB設備了！

龍小姐利用咗一條 OTG線 + USB手指，令Z30可以直讀USB手指內既案，成為流動BlackBerry既迷你HHD！真係慳番唔少時間架，起碼唔洗用 PC 過 Data 抄黎抄去或Sync上任何Cloud Service (浪費Data Plan既珍貴GB)！呵呵，簡簡單單地測試成功了！

備註：測試了已Upgrade OS10.2.1的P'9982，Z10及Q10暫未支援。

 OTG線+USB手指+Z30

 把3樣東西一齊接駁，Z30即刻SHOW "USB裝置己插入"。

 

 進入檔案管理員。

 右面MENU會顯示 "USB Device"，選擇此項。

 立即顯示USB內的所有檔案及資料夾。

 選擇了一個JPG檔後，立即自動開啟了！

 如常可以另存新檔、設為桌布/不同APPS的PROFILE PIX，分享或用其他APPS為開啟方式。

在Z30利用USB On To Go如此分享檔案，真的方便又超讚！

Brother ScanNCut CM550DX 內置700款裁切花樣圖案、140款拼布裁切設計及5款英文字體

早前龍小姐既開箱文一Po，收到不少朋友問ScanNCut CM550DX內置圖案係有幾多同有咩款? 好啦！一於分享隨機附帶既一本花樣清單，大家一睇即可明白了！

 

 

 

 

 

 

 

 

Brother Scan N Cut CM550DX 創意裁剪機 - 港版行貨 優先開箱！Welcome to the new world of cutting！

記得 2013年 Scan N Cut 於美國 Brother 公開發售時 (US499)，已成為手作工具Wishing List其中一員。一直苦等港版行貨消息，今年3月果然有大喜訊啦！港版將於2014年4月正式開售 (HK$3999，平過E-Bay -> 山長水遠訂要等運貨+超貴運費+再配轉換香港電壓火牛+維修保養好頭痛...)。裁剪布藝紙藝既好「兄弟」，終於夢幻到港啦！

龍小姐榮幸地成為Brother Scan N Cut CM550DX香港首位的用戶。26/3/2014 首批到港，火速親自去Brother Office取機+立即心急「飛的」回家興奮開箱啊！以我 XS 碼弱小身形而言，能輕輕鬆鬆成盒自攜返屋企+行上唐一樓，可見Scan N Cut CM550DX 同我一樣好輕身。好啦！龍小姐尖叫開箱啦！去片…

Scan N Cut CM550DX 港版行貨包裝盒清楚地註明「See、Scan及Cut」布片紙藝裁剪功能、內置700款裁切花樣圖案、140款拼布裁切設計及5款英文字體。CM550DX係美國推出Scan N Cut系列中的Deluxe版 - 功能及跟機配件是最齊全的。香港Brother引入此頂級型號，DIY粉絲有福了！(有興趣了解型號比較，可進入此連結看看美版官方說明。)

 

打開盒蓋，首先係12” x 12” Standard Mat (右) x 2 片 及12” x 12” Low Tack Adhesive Mat (左) x 2 片各一包，適合裁剪各類厚薄布料、紙張及Mix Media物料。跟機共4片Cutting Mat ，方便日後損耗替換。貼心！
另有12" x 24"既 Cutting Mat 可另行購買，可以 Scan N Cut 更大 Size既東西啊！

取出Cutting Mat後，見到有一卷Iron Fabric Applique Contact Sheet (熨布型貼布粘紙)，相信有玩開貼花縫既朋友一定唔會陌生。

紅色Bubble紙包住既係6支色彩筆組及2支可擦筆組，絕對係繪畫紙樣及縫份時既主角之一。

機身以發泡膠及膠袋保護，輕易取出。

拆開膠袋後，Scan N Cut真身出現啦！機身以Brother「招牌」藍白色配襯印花圖案設計。配置可調角度彩色LED輕觸式屏幕及Panel按鈕，感覺簡潔又清新。

機背設有電源插口及裁剪台出口位。機身右面亦設有USB記憶棒插口，只要登入Scan N Cut Canvas網頁(免費登記使用)，即可以於Online Web Base App 創作自家圖案及下載於USB記憶棒。即係Scan N Cut 可支援自由創作，DIY Fans 又多一個設計好平台。

最後在包裝盒底部有一盒配件，包括火牛、電源三腳插頭、輕觸式屏幕觸控筆、刮刀、標準裁切刀固定座(帶刀片)、深裁切刀固定座(帶刀片) 、筆座、配件收納袋、說明書及光碟。
哈哈~~ 開箱完成！龍小姐要立即自學試機，希望好快有Scan N Cut 作品，期待與更多Scan N Cut用戶一齊分享交流更多心得！Happy Crafting and Life to All！

Brother Scan N Cut CM550DX零售資料 (資料來自 Brother Love DIY Facebook Page - 31/3/2014)

定價：HK$3999

銷售地點：CN Square 中南廣場、東成針車行、裁縫舖 (銅鑼灣及觀塘店) 及 Day by Day Scrapbook & Papercraft Store

龍小姐尖叫：Brother X Hello Kitty 2014粉紅別注版家用衣車港版行貨優先睇！

要龍小姐一見尖叫得既衣車，當然一定要有SPEC又有樣！大家記得香港Brother早幾年前推出了大受歡迎既內置Disney®角色圖案的電腦繡花家用衣車(型號Innov-is 1250D)嗎? 今年再有新寶貝加入，是日本Sanrio既Hello Kitty啊！各位Kitty粉，Are you ready? 

昨日光臨Brother香港總部，龍小姐好榮幸優先欣賞了Brother即將發佈既2014年港版行貨Brother X Hello Kitty粉紅別注版家用衣車 (今日出面仲未有得賣住架，4月應該再有官方公佈啊。)！作為「超級粉紅色」+ Hello Kitty粉既我，禁不住要有圖有真相地尖叫分享！

入門級電腦繡花家用衣車：Brother x Hello Kitty Innov-is 980K – 升級功能，一機兩用之選

一機兩用既電腦繡花家用衣車近年深得布藝手作人歡迎！即將推出既Innov-is 980K，係增強版既Innov-is 850電腦繡花衣車。

Innov-is 980K最大刺繡範圍可達 10cm X 10cm，除了內置基本126款電腦繡花圖案 (附贈光碟)，還新增54款Hello Kitty特別版電腦繡花圖案，還有6款繡花字體，USB插口可直讀手指存取繡花圖檔等等，令你可以DIY更多自家繡花布藝手作！

Innov-is 980K縫紉功能設備完善又齊全：令人亮眼既Brother獨有Hello Kitty大頭粉紅機身設計，LCD輕觸式顯示屏及方便中央控制面版，3段車縫速度調節(慢中快)，單步開鈕門，自動落針，自動穿線器，自動回針，快置梭芯，簡易打底線，129款實用及裝飾線跡，可延展式縫紉台設計等等。

市面上既電腦繡花衣車型號，由入門級約一萬元一部至專業級十萬元一部。而Brother x Hello Kitty Innov-is 980K售價亦相當合理，公價港幣11999，相信會吸引普通衣車用家升級轉用電腦繡花衣車啊。

入門級家用衣車：Brother X Hello Kitty GS2786K - 可愛又輕巧

呢部係GS入門版系列中既最新頂級型號，基本衣車縫紉功能亦十分齊全，包括內置穿線器，單步開鈕門，快置梭芯 (底線芯)，LED燈1個，共27款線跡等等，隨機附上操作指南及縫紉教學DVD。當然，亮眼位之一係Brother獨有Hello Kitty機身設計，係Hello Kitty大頭+粉紅+白Dot Dot既可愛背景！

龍小姐教車縫入門興趣班時，也有選用Brother GS系列既衣車，因為學生可以了解衣車的基本結構及知識，有助由淺入深學習車縫基礎操作及投巧，係製作布藝手作既好工具之一。Brother X Hello Kitty GS2786K售價相當親民，公價港幣2999，係送禮自用既布藝手作好工具。

BlackBerry World - BlackBerry 10 - Wallpaper Sky Pro Spring Edition 更新 - 小測試

15-3-2014 開BlackBerry World，龍小姐發現有Wallpaper Sky Pro 更新 (是早排於BBW下載限時免費Apps啊！)，新版有新增了春天主題的Wallpaper。想日日幚部BB換靚靚桌布? 就係咁Easy。

Wallpaper Sky Pro for BlackBerry 10 下載：
BlackBerry World : http://appworld.blackberry.com/webstore/content/38192888

BlackBerry World - BlackBerry 10- Foursquare更新 - 小測試

11-3-2014 BlackBerry World 發現有 BB10 的 Foursquare更新，龍小姐立即一試。新版有全新Design既介面外，最重要既改善係解決咗以往一打卡即閃退既Bugs。測試打卡(如圖)亦十分流暢，讚。

Foursquare for BlackBerry 10 下載：

BlackBerry World : https://appworld.blackberry.com/webstore/content/6921

11-01-2014 Esdlife「靚太Club x 婚享同學會 Celebration Party」+ DIY工作坊

< 龍小姐又傻了，原來寫好了的Blog Save了入Scheduled Post，但誤以為一早Post了... 抱歉遲了發現及重Post... 抱歉...>

Esdlife生活易網站的婚享同學會 - 對一眾準新娘子絕對不會陌生，因為係交流籌備婚禮最新情報、優惠、消息及心得的大好平台，2014年1月11日假座赤鱲角Hong Kong SkyCity Marriott Hotel一起慶祝兩周年成立大派對啊，與一眾婚享同學會及靚太Club會員一聚！

記得待嫁前我也加入了婚享同學會，當年我要選擇婚宴場地時，婚享同學會的同學博文，真係提供了不少寶貴兼實用既經驗同資料作參考。各同學根據其結婚年份及月份作「分班」，婚後畢業及再榮升為靚太Club會員，繼續一起分享婚後生活點滴。今次好高興以DIY導師身份出席及與婚享同學會分享永生花新娘手花製作！

08-03-2014 龍小姐第一次的烤全羊@中發源清真餐廳

龍小姐嫁後都冇時間北上，但大少要我一齊上深圳出席公司飯局。即使遇上不用開班/出席活動+想在家休息的寶貴一個星期六，我只好乖乖做跟得夫人奉陪啦！大少有咩要帶埋我去試呢? 原來BOOK了一圍金牌烤羊餐。噢，羊羊怪的我，流口水了。

飯局地點係中發源清真餐廳 (羅湖火車站區春風路2012號春風萬佳東側斜對面)，過了羅湖關口後打的約15分鐘內的路程可到達。說好的七時到達二樓的VIP房，裝修及地方看來尚算可以啦。

全羊宴套餐最少一天前預早訂，因為烤全羊需時。11人都齊了，女侍應進來，大伙兒叻唔切講港式煲冬瓜，但女侍應用白話問：可以上菜未? 全房人出咗醜都未笑完，主角烤全羊出場上桌！

烤全羊由頸至尾上，看似乳豬啊！