龍小姐入手開箱：星星千頌伊抓拍神器Canon EOS 100D – 我愛白色！又細又輕！

記得星星第10集千頌伊抓拍神器嗎? 係Canon EOS 100D純白色單反機！最近知道之前斷哂貨嘅白色EOS 100D再度推出，仲配埋白色嘅EF-S 18-55mm f/3.5-5.6 IS STM標準變焦鏡頭，龍小姐知道呢個喜訊後，立即超級興奮地尖叫！開箱去片！

麻雀雖少，五臟俱全！
EOS 100D 係一部又輕又細嘅單反機，龍小姐絕對可以單手輕易攞起，仲輕過盒檸檬茶！最適合姊妹們享受輕鬆攜帶數碼單反機既拍攝樂趣！

而且細機保持影像高畫質同時，仲用輕觸式屏幕，用起上嚟就好似用Smartphone一樣咁簡單！

女孩子大愛！夢幻白色機身連鏡頭！
小巧別緻嘅白色EOS 100D最適合姊妹們日日襯住靚Look去街街，同埋帶去手作市集和工作坊，又可以Girly兼型格地玩隨身拍攝，要Anytime拍靚人靚景靚片都好Easy！姊妹們一齊開心入手白色EOS 100D 吧！

Eva Lung 龍小姐的樂活人生

宣傳你的專頁

醬家 Janya Tomato Ramen：濃香蕃茄湯底精緻日本拉麵，一定有下次！

醬家 Janya Tomato Ramen

身為街坊既龍小姐，知道主打只售6款濃香蕃茄湯底日本拉麵既醬家開了幾個月，初初有點懷疑。但有網友早一星期推介叫我去試一試，今日終於抽空首次光臨，果然係得，會有下次！

一入店內，勁香蕃茄湯味，3位男店員禮貌地招呼。我試了蕃茄海鮮拉麵，蕃茄湯有芝士碎混入，飲一口勁香濃，成口及呼吸都有蕃茄味！麵條幼身，彈牙AL DENTE又掛湯！仲有大蝦，帶子及尤魚，食得出係新鮮貨，爽口彈牙又鮮甜。滿足的一餐，$85 (沒加一)，結帳時大廚及店員好客氣，多謝咗好多次。總括而言，醬家既食物質素，服務及環境是十分好的。期待下次帶朋友一齊去食！

醬家 Janya Tomato Ramen
旺角上海街468號地下
星期一至日: 12:00-15:00; 18:00-23:00

BlackBerry Q10 金色白色特別版！BB QWERTY 實體鍵盤迷起動！

登登登登~~~ BlackBerry Q10 有新色：金邊襯白色機身！大愛啊！因為我喜愛典雅華麗金色HIGHLIGHT加白色機身的美，而且絕不俗套，絕不土豪！心心眼！
BlackBerry Q10 金色白色特別版配以BlackBerry 10.2.1平台，與一眾BlackBerry OS 10的手機享有超強硬件、通訊及多媒體功能！當然是可以在BlackBerry World中Download超多的好Apps伴你Work+Play啦！龍小姐又心思思啦~~~~~
想買? Easy~~ 在指定百老匯、衛訊、豐澤及蘇寧會找到了。(官方建議零售價為港幣$5,688)

UGG® AUSTRALIA 夏天陪你同陽光玩遊戲！CHOOSE YOUR HUE！

UGG®點只冬天必備既皇牌毛毛靴? 仲有超靚舒服高跟鞋、涼鞋、婆仔鞋、拖鞋架！好襯舒服款式入手數對不同色，甚至找人訂做合心意既好鞋子，龍小姐蝸居數百尺，有個五六十對鞋海。鞋痴? 龍小姐認！但要有質素才買，所以UGG®係我每季必買品牌之一！
龍小姐尋日優先睇了 UGG® AUSTRALIA Media Event，仲親身試咗唔少最新靚靚款式，又一齊玩Art Jamming，開心到呢！一定要分享我既本季心水啊！(心心眼)

Lucianna Stripe (HKD1590) 係夏日唔少得既 4 吋半麻質船踭Wedge！水手Feel間條真絲既綁帶蝴蝶亦係設計充亮點，航海風都可以又Relax又Girly！

平底鞋 Alloway Stripe (HKD990) 既棉質直間條紋配麂皮鑲邊，仲有柔軟麂皮內襯加特厚鞋墊，真係好舒服又護腳，係姊妹們Go Shopping跑東跑西時既舒適靚鞋佳品！

 4 吋半高漆皮船踭鞋 Jackilyn (HKD1390)工料好Detail：包裹式天然黃麻、漆皮滾邊、Vintage金屬扣帶、軟綿綿既鞋墊、1 吋半高前腳掌Platform、軟木橡膠鞋踭。試穿感：輕身！隠陣！Elegant！推介！

UGG平底涼鞋、人字拖啊！

Bria (HKD790) 平底涼鞋真皮鞋身及織帶，時尚既波希米亞Feel，中間對藍色好靚呀，要快快去入手囉！

Ally Lizard (HKD750) 配上金箔蜥蜴紋麂皮人字拖帶，又IN又舒適，去沙灘必備潮拖！

UGG® Australia旗艦店－香港島

銅鑼灣耀華街2號（時代廣場側）
電話︰+852-2893-1338

UGG® Australia專門店－九龍 
尖沙咀海港城海運大廈3樓OT 308A號舖
電話︰+852-2338-1606

UGG® Australia官方網頁
www.uggaustralia.com

中環陳泗記．大排檔Blue Blood：羊咩鬚老細煮得又有格

中西區係龍小姐出生至成長既地方。美食由富豪級至平民化級都可以一一找到。

陳泗記係我心目中大排檔Blue Blood之一。係中環黃金地段，難得仲有得坐街邊嘆小炒晚飯，而且一D都唔失禮。係夜中環既另一風味天堂樂土。

五六十蚊一個小菜，堅持用新鮮料，雪藏野免問。除了我呢D庶民長期幫襯，有不少身光頸靚富貴人家自攜靚酒光臨同老細一齊分享，亦有唔少有錢人叫工人/司機前來外賣。如此生意晚晚爆棚，要等枱一D唔出奇。

番書仔羊咩鬚老細愛一邊隊啤酒，一邊食煙仔，一邊慢慢用心炒餸，天王吹佢D快手都話知你架，性格亦豪爽率直帶點火爆，同佢炒食物一樣夠曬鑊氣！

佢地夫妻檔日做十幾個鐘，不時爆粗吵架，好快又溫馨恩愛，街坊食客老早已經習慣佢地既相處方式，同食物味道一樣夠重口味。

龍小姐必點既小炒之中，其中有兩道：蜆介炒牛肉 - 我愛口口牛肉都有入味既鮮濃蜆介汁，索汁既蔥亦係精華。枝竹豆卜排骨煲 - 滾騰騰煲上汁勁滾，枝竹豆卜索曬豬肉味，排骨肉亦好滑好有鮮味，我可以食多2碗白飯。樂也！

陳泗記星期日例休的，記得唔好去摸門釘啊！(陳泗記：中環士丹利街74號 電話：2545-2834)

IKEA首部家用縫紉機茜亞(SY)@宜家深圳廣場 - 現貨實物睇真D！

著名瑞典設計傢俱品牌IKEA，一向以多元化優質生活品味及鼓勵DIY個人家居生活路線。早前終於推出了首部全機械式入門級縫紉機，為家用縫紉機產品市場增添多了一個品牌及選擇！

不少香港DIY布藝粉絲聞風後也四出打聽消息，可惜香港門市至今暫時也未有發售。好友報料，得悉鄰近的宜家深圳廣場有售，龍小姐決定抽空北上，直接看實物去！(如何到達宜家深圳廣場，請看連結：http://www.ikea.com/cn/zh/store/shenzhen/store_info )

走進宜家深圳廣場的一樓，實在是一望無際！如到訪紡織品區，你可看到不少布藝用品、布匹及DIY布藝配件，縫紉機的陳列櫃檯亦在這裏了。

縫紉機的型號是茜亞(SY) - 產品貨號802.089.73，是瑞典設計師Henrik Preutz的作品，由中國生產，定價￥599。

備註：宜家俱樂部 (IKEA Family) 會員優惠：曾於1/1/2014-28/2/2014期間內可享用優惠價￥499購買茜亞(SY)一部。
IKEA Family是免費申請的，請看連結：http://www.ikea.com/ms/zh_CN/ikea_family/member_benefits.html
更多深圳IKEA攻略，歡迎閱讀好友The Adventures of uituit的博文 <三大錦囊玩盡深圳 IKEA>。
連結：http://wp.me/pHRyk-ou

外型迷你，體積只有 34.9cm x 15.8cm x 27.1cm(長x闊x高)。白色ABS塑膠外殼配藍黃簡約設計，是明顯的IKEA的招牌顏色。機身亦相當輕巧，約6.2KG，我也可以輕易單手提起整部縫紉機。嬌小的茜亞(SY)適合擺放於小桌子上使用，亦易於收藏，不會霸佔太多收納空間。

茜亞(SY)有13種針法可選之基本縫紉功能，利用機身旋轉制簡易地轉換針法，適合DIY家居布藝用品，如窗簾，抱枕，圍裙等。

底線設計是傳統直置型金屬梭殼，再配合塑膠透明底線芯使用，而機身亦有打底線功能。隨機附上工具10件套，包括配件收納盒、車針、底線芯、線絨圓片、清潔掃子、鑼絲批、拆線刀、面線置杆、拉鏈靴及開纽門靴等。內置燈泡，令縫紉時提供足夠光源。

 

￥599能擁有一台最基本又外型討好的縫紉機，是性價比高的入門縫紉機好選擇之一。雖然龍小姐家中已有專業級的縫紉設備，看後也幻想入手一台茜亞(SY)放在家中裝飾，是很靚仔啊！ 由於此產品香港宜家沒有售賣，縫紉機電源線是國內兩腳插頭制式，另維修保養服務及購買額外配件也必需到國內門市了。有興趣入手的香港用戶要注意啊！

IKEA宜家 茜亞(SY)縫紉機官方網頁：

http://www.ikea.com/cn/zh/catalog/products/80208973/

BlackBerry OS 10.2.1 USB On To Go - Z30 + 一條OTG線+USB手指 = Mobile HHD！

相信不少BlackBerry 10 Smartphone 既朋友都已經齊齊 Upgrade 了 OS10.2.1了！10.2.1 其中一個新功能是USB On To Go，即係平時用黎充電用的 mini USB 插口可以支援更多USB設備了！

龍小姐利用咗一條 OTG線 + USB手指，令Z30可以直讀USB手指內既案，成為流動BlackBerry既迷你HHD！真係慳番唔少時間架，起碼唔洗用 PC 過 Data 抄黎抄去或Sync上任何Cloud Service (浪費Data Plan既珍貴GB)！呵呵，簡簡單單地測試成功了！

備註：測試了已Upgrade OS10.2.1的P'9982，Z10及Q10暫未支援。

 OTG線+USB手指+Z30

 把3樣東西一齊接駁，Z30即刻SHOW "USB裝置己插入"。

 

 進入檔案管理員。

 右面MENU會顯示 "USB Device"，選擇此項。

 立即顯示USB內的所有檔案及資料夾。

 選擇了一個JPG檔後，立即自動開啟了！

 如常可以另存新檔、設為桌布/不同APPS的PROFILE PIX，分享或用其他APPS為開啟方式。

在Z30利用USB On To Go如此分享檔案，真的方便又超讚！

Brother ScanNCut CM550DX 內置700款裁切花樣圖案、140款拼布裁切設計及5款英文字體

早前龍小姐既開箱文一Po，收到不少朋友問ScanNCut CM550DX內置圖案係有幾多同有咩款? 好啦！一於分享隨機附帶既一本花樣清單，大家一睇即可明白了！